Aire zabaleko guneak eta eraikinak
Aire zabaleko guneak eta eraikin publikoak eta haien inpaktua higikortasun, independentzia eta bizi-kalitatean.
01
Berdegune onak daude, eta ondo zaindutako parke seguru asko, ibilbideekin
02
Aire zabaleko, berdeguneetako eta kaleetako eserlekuak erosoak eta irisgarriak dira, eta behar beste daude; baina egoera ez da berdina auzo guztietan. Eserlekuon garbiketa ere hobetu daiteke
03
Pertsonen mugikortasuna errazteko hobekuntzak egin dira (igogailuak, arrapalak…). Dena dela, oraindik badaude arrapalarik edota igogailurik gabeko eremuak, non ezinezkoa den gurpil-aulkiak erabiltzea. Oro har, herriko espaloiak egoera onean daude: beheratze egokiak dituzte eta lauzak konponduta daude. Ordea, toki guztietan ez dago oinezkoak igarotzeko behar besteko tartea (terrazak daudelako, dendetako kutxak…).
Garraioa
Garraioa, baldintza fisiko eta ekonomikoetan garraio publikoa barne.
01
Ondo komunikatuta dago Basauri: garraio publiko ona du
02
Garraioa segurua da, maiztasun ona du eta toki esanguratsuenetara iristen da. Azpimarratu dute asteburuetan maiztasuna txikiagoa dela, eta gauez ere ez dagoela garraiorik
03
Nabarmendu dute auzoak eta zerbitzuak lotuko dituen garraioa behar dela
04
Adierazi dute geltokietan, makinak erabili ordez, nahiago luketela pertsonak egotea
05
Trenbide-pasagune arriskutsuak daude herrian
Etxebizitza
Etxebizitza, eta komunitatearen barruan zahartzen uzten dien sostengua.
01
Badaude adinekoek egokiro bizi ahal izateko aukera ematen duten etxebizitzak
02
Oro har, etxebizitzak ez daude prestatuta zahartzaroa bertan emateko
03
Dagoeneko egokituta dauden etxebizitza berriak, berriz, garestiegiak dira adinekoentzat
04
Antzinako etxeak ez daude prestatuta adinekoentzat, eta ez dira erosoak haientzat. Eraikin batzuetan ez dago aukerarik igogailua jartzeko, eta irisgarritasun-arazoak daude, bai kanpoan, bai etxe barruan
05
Astuna da etxean egokitzapenak egitea eskatzeko burokrazia; eta ez dago informaziorik laguntzei buruz
Gizartean Parte-hartzea
Gizartean sozializazio-, heziketa-, olgetarako jardueretan eta jarduera kultural eta espiritualetan parte-hartzea.
01
Adinekoentzako hainbat ekitaldi daude, askotarikoak eta toki askotan
02
Ekitaldi eta jardueretarako egoitzak ondo kokatuta daude, eta irisgarriak dira. Dena dela, adinekoentzako jardueren lokal batzuek irisgarritasun-arazoak eta oztopo arkitektonikoak dituzte
03
Ekitaldiei buruzko informazioa ez da guztiengana iristen. Batzuetan, informazio horren helburua ez da adinekoei mezua ulerterrazago egitea
04
Ez dago belaunaldiarteko jarduerarik
05
Kontzientzia hartu behar da adinekoen gizarte-isolamenduaren aurka borrokatzeak duen garrantziari buruz
Begirunea eta gizarteratzea
Begirunea eta gizarteratzea, adinekoengananzko jarrerak eta mezuak.
01
Gazteek adeitsu jokatzen dute adinekoekin
02
Adinekoek sentitzen dute ekarpen baliotsuak egin ahal dizkiotela gizarteari
03
Komunitatean integratzeari dagokionez, badaude adin guztietako pertsonentzako ekitaldiak, baina, oro har, gazteek eta adinekoek nahiago dute belaunaldiarteko jardueretan parte ez hartu
04
Dendek eta zerbitzu pribatuek adinenganako jarrera ona dute
05
Oso negatibotzat jo dira banku-erakundeek inposatutako arauak: arretarako ordutegi mugatuak, nahitaez kutxazainak erabili beharra, eta abar
Herrian parte-hartzea eta enplegua
Herrian parte-hartzea eta enplegua, hiritartasun aukerak, ordaindutako eta ez ordaindutako lana.
01
Adinekoen boluntariotza sustatzen da Basaurin. Herriko boluntario gehienak adinekoak dira
02
Adin guztietako pertsonek parte har dezaketen elkarte asko daude herrian
03
Adinekoek aintzatespen xumea jasotzen dute iraganean egindako ekarpenengatik; baina ez zaizkie aitortzen gaur egungo gizarteari egindako ekarpenak
04
Soldatarik gabeko «lanbide» asko dituzte adinekoek
05
Hiri Atseginen proiektua bozgorailua izango da adinekoentzat, eta haien parte-hartzea areagotuko du
Komunikazioa eta informazioa
Komunikazioa eta informazioa, ekitaldiekin eta pertsonekin, informazio egoki eta praktikoarekin, konektatuta.
01
Herritarrentzako Arreta Zerbitzua, eta udalerriko ekitaldien berri ematen duen udal aplikazioa daude Basaurin
02
Herriko prentsa eta irratia daude
03
Administrazioaren kartelak eta agiriak ez daude egokituta adinekoentzat. Formatua (letra, tarteak…) eta idazkera (ulergarritasuna) zaindu beharra dago
04
Adineko batzuei zaila egiten zaie gailu automatizatuak erabiltzea
Komunitate- eta osasun- zerbitzuak
Komunitate laguntza- eta osasun- zerbitzuak, komunitatean osasuna eta independentzia mantentzeko.
01
Komunitate-, gizarte- eta osasun-zerbitzu ugari daude. Kalitatezkoak dira, eta adinekoekin adeitsu jokatzen dute
02
Ordea, haien arteko koordinazioa areagotu beharko litzateke
03
Nabarmendu dute Cáritasek eta Gurutze Gorriak adinekoei emandako laguntza
04
Oso positibotzat jo dute «Zainduz», zaintzaileentzako arreta zerbitzua
05
